Khoding Hero
រាជរានីភ្នំពេញ ថ្ងៃទី២ ខែសីហា ឆ្នាំ២០២៤
អបអរសាទរពិធីបើកដំណើរការជាផ្លូវការ នៃកម្មវិធីនិស្សិតស្ម័គ្រចិត្ត KHoding Hero ឆ្នាំ២០២៤ ក្រោម អធិបតីភាព ឯកឧត្តម ហ៊ាន សំបឿន អនុប្រធានបណ្ឌិត្យសភាបច្ចេកវិទ្យាឌីជីថលកម្ពុជា។
ក្រោយពីបានបញ្ចប់វគ្គបណ្តុះបណ្តាលដោយជោគជ័យជូនដល់ Heroes ទាំង ៦០រូប ពេលនេះកម្មវិធី KHoding Hero បានបើកដំណើរការជាផ្លូវការដើម្បីដឹកនាំ Heroes ទៅកាន់ទីតាំងបណ្តុះបណ្តាលដែលស្ថិតនៅស្រុកជីក្រែង ស្រុកពួក និងស្រុកក្រឡាញ់ ខេត្តសៀមរាប។
កម្មវិធីនេះបានត្រូវបានផ្តួចផ្តើមគំនិត និងសហការរៀបចំដោយបណ្ឌិត្យសភាបច្ចេកវិទ្យាឌីជីថលកម្ពុជា (CADT) និង អង្គការ ELIX ក្រោមជំនួយឧបត្ថម្ភគាំទ្រដោយទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) និង University of California, Berkeley (The Blum Center for Developing Economies) ត្រូវបានបង្កើតឡើងក្នុងគោលបំណងលើកកម្ពស់ និងកាត់បន្ថយគម្លាត បច្ចេកវិទ្យាឌីជីថល រវាងទីក្រុង និងជនបទ តាមរយៈការបណ្តុះបណ្តាលសិស្សានុសិស្សកម្រិតអនុវិទ្យាល័យ និងវិទ្យាល័យ។
បន្ទាប់ពីការចុះបណ្តុះបណ្តាលខាងលើនេះ និស្សិតស្ម័គ្រចិត្តនឹងទទួលបានបទពិសោធដ៏ល្អៗ និងបានស្វែងយល់អត្ថន័យអំពីជីវភាពក្នុងការរស់នៅតាមជនបទ តំបន់ដាច់ស្រយាលជាដើម។ កម្មវិធីនេះមានរយៈពេល ចំនួន ១ខែ ដោយគិតចាប់ពីថ្ងៃទី៤ ខែសីហា ដល់ ថ្ងៃទី៣ ខែកញ្ញា ២០២៤។
